Google-ն այս շաբաթ App Store-ում ավելացրել է Gemini անունով հավելված, որը թույլ է տալիս շփվել ընկերության կողմից մշակված արհեստական բանականության հետ, հայտնում է The Verge-ը։
Հավելվածի մուտքն անվճար է: Ծառայությունը չաթերի ցանկ է, որտեղ դուք կարող եք հարցումներ կատարել AI-ին: Միաժամանակ iPhone-ի օգտատերերն առաջին անգամ հնարավորություն են ունեցել օգտագործել Gemini Live ֆունկցիան, որը թույլ է տալիս մոդելի հետ շփվել ձայնի միջոցով։
Google-ը Gemini-ի ստեղծումով ցանկանում էր հնարավորություն ընձեռել օգտատերերին ցանկության դեպքում շատ արագ մուտք գործել նեյրոնային ցանց։
Նշենք, որ ընկերությունը Gemini-ն ներկայացրել է 2023 թվականի դեկտեմբերին։ Նեյրոնային ցանցը հասանելի է նաև կայքում և Google Play-ում։ Իսկ Gemini Live-ը՝ ձայնային զրույց AI օգնականի հետ, Google-ը թողարկվել է 2024 թվականի օգոստոսին:
Հիշեցնենք նաև, որ նախկինում Bloomberg-ին ծանոթ որոշ աղբյուրներ հայտնել էին, որ Google-ը, OpenAI-ն և Anthropic-ը դժվարությունների են հանդիպել նոր մոդելներ ստեղծելու հարցում, ինչը կարող է բացասաբար ազդել ընդհանուր AI-ի (AGI, արհեստական ընդհանուր ինտելեկտի) զարգացման վրա, որին ձգտում են ընկերությունները։
Գործակալությունը նույնիսկ գրել էր, որ Gemini-ի նոր տարբերակը «չարդարացրեց ստեղծողների սպասելիքները»։
