Google-ը պատրաստվում է գործարկել դեռ անցյալ տարի հայտարարված Google Find My Device ցանցը, որը կօգնի գտնել կորած սմարթֆոններ, անլար ականջակալներ և թրեքերներ՝ օգտագործելով հսկայական թվով այլ Android սարքեր շրջակայքում:
Find My Device նոր ցանցը կկարողանա որոշել սմարթֆոնի գտնվելու վայրը նույնիսկ եթե այն անջատված է ինտերնետից։ Այն նաև կօգնի գտնել անդրոիդ սարքեր, որոնք աջակցում են Fast Pair-ին, նույնիսկ եթե դրանք միացված չեն որևէ սարքի: Բետա փորձարկողներին ուղղված նամակում Google-ը նշել է, որ ցանցը կգործարկվի «երեք օրից», որը, ամենայն հավանականությամբ, կլինի երկուշաբթի՝ ապրիլի 8-ին՝ հայտարարությունից գրեթե մեկ տարի անց:
Այս ուշացումը պայմանավորված է նրանով, որ Google-ը և Apple-ը համատեղ մշակել են ոլորտային ստանդարտ, որը թույլ չի տալիս չարամիտներին հետևել այլ մարդկանց շարժումներին, ինչպես եղավ AirTag-ի հետ, որը թողարկվեց Apple-ի կողմից 2021 թվականին: Նույն պաշտպանությունը կհայտնվի iOS 17.5-ում:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
