Հնդկաստանում իր տարեկան համաժողովում Google-ը հայտարարել է, որ աշխատում է դեղագործների հետ՝ բժիշկների ձեռագիրը մշակող գործիքի ստեղծման վրա։
Բժիշկների զգալի մասը դեղատոմսեր գրելիս շտապում է, ինչի պատճառով շատ հաճախ պացիենտների համար գրեթե անհնար է լինում դրանց «վերծանումը»։
Այս խնդիրը գոյություն ունի արդեն տասնամյակներ շարունակ, և շատ տեխնոլոգիական ընկերություններ փորձել են լուծել այն, սակայն՝ ապարդյուն: Այժմ Google-ն է փորձում խնդրին լուծում տալ և մշակել է բժշկական փաստաթղթերի ավտոմատ վերծանման ծրագրային լուծում, որն աշխատում է AI տեխնոլոգիայով։
Գործառույթը հասանելի կդառնա Google Lens ծառայությունում։ Այն օգտատերերին թույլ կտա կա՛մ ճանաչել տեքսը սմարթֆոնի տեսախցիկի միջոցով, կա՛մ հիշողությունից ներբեռնել պատրաստի ֆայլ՝ ձեռագիր տեքստով։
Իսկ թե երբ կգործարկվի նոր գործառույթը, ընկերությունը դեռևս չի հայտնում։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
