Կորեայի գիտության և տեխնոլոգիաների ինստիտուտի (KAIST) ինժեներները ներկայացրել են աշխարհում առաջին մարդանման ռոբոտ-օդաչուն, որը ստացել է PIBOT անունը: Օդանավերից բացի՝ PIBOT-ը կարող է կառավարել նաև վերգետնյա տրանսպորտ:
Ռոբոտը կառավարվում է արհեստական բանականության օգնությամբ, կարողանում է մտապահել աէրոնավիգացիոն քարտեզներ և արտակարգ իրավիճակներում գործողությունների կանոնակարգեր: Բացի այդ՝ PIBOT-ը կարողանում է կողմնորոշվել արտակարգ իրավիճակներում ավելի արագ, քան գիտնականները, խիստ տուրբուլենտության դեպքում կարողանում է գործողություններ կատարել անջատիչների հետ և վերլուծել արտաքին միջավայրի վիճակը՝ ներկառուցված տեսախցիկի օգնությամբ:
«Մարդանման ռոբոտները գործող օդանավերի մոդիֆիկացիա չեն պահանջում և կարող են միանգամից կիրառվել թռիչքների ավտոմատացման համար, հայտնել է PIBOT նախագծի ղեկավար Դևիդ Հենչըլ Շիմը: — Այդ պատճառով դրանք կիրառելի են և պրակտիկ»:
Ռոբոտի հասակը 150 սմ է: PIBOT-ի համար որպես ուսուցողական ծրագիր օգտագործվել են չաթ-բոտերի, մասնավորապես ChatGPT-ի հետ աշխատանքի մեթոդիկան:
Դեռևս ռոբոտը փորձարկումներ է անցել միայն ավիասիմուլյատորով: Սակայն պլանավորվում է փորձարկել այն նաև իրական օդանավում: Ըստ ծրագրի՝ նախագիծը կավարտվի 2026 թվականին:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
