Formula VC վենչուրային ֆոնդը կատարել է ներդրում StarsHunt ստարտափում։
Ընդհանուր առմամբ Formula VC-ն 3,4 միլիոն ԱՄՆ դոլարի ներդրում է կատարել հայկական ստարտափներում։ Իսկ սա վենչուրային ֆոնդի պորտֆոլիոյում թվով 19-րդ ստարտափն է։
StarsHunt-ն առաջարկում է ինտերակտիվ հարցազրույցներ AI հավաքագրողի հետ: Արհեստական բանականության տեխնոլոգիայով աշխատող հավաքագրողը տեսազանգի միջոցով հաղորդակցվում է թեկնածուներից յուրաքանչյուրի հետ՝ նրանց պատասխանների հիման վրա անհատականացված լրացուցիչ հարցեր տալով: StarsHunt-ի AI հավաքագրողը պատրաստ է շուրջօրյա տարբերակով հարցազրույցներ վարել թեկնածուների հետ։
«StarsHunt-ը վերափոխում է տաղանդների հավաքագրման գործընթացը՝ արհեստական բանականության վրա հիմնված HR օգնականի միջոցով: Տաղանդների հավաքագրումը կարևոր է ցանկացած բիզնեսի համար, և մենք ուրախ ենք աջակցել StarsHunt-ի նորարարական մոտեցմանը»,- նշել է Formula VC վենչուրային ֆոնդի համահիմնադիր և գլխավոր գործընկեր Կարեն Վարդանյանը։
«Formula VC-ի հետ համագործակցությունը մեծապես կնպաստի աշխարհի ամենաառաջատար AI հավաքագրող ստեղծելու մեր ջանքերին», – նշեց StarsHunt-ի համահիմնադիր և նախագահ Ֆեդի Մելիքսեթյանը:
Հասկանալու համար, թե Ինչպես է ընթանում ստարտափների և վենչուրային ֆոնդերի համատեղ ճանապարհը` կարող եք դիտել Fincast-ի էպիզոդը, որի հյուրն է Formula VC վենչուրային ֆոնդի համահիմնադիր Կարեն Վարդանյանը։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
