Ամերիկյան «2420 Ventures» ընկերությունը Հայաստանում ստեղծված FoodStruct առողջ ապրելակերպի և սննդի ինտերակտիվ մեդիա հարթակում $400.000 ներդրում է կատարել։
FoodStruct-ը բարձր գնահատական ունի Google-ի և այլ որոնիչների կողմից, ինչի արդյունքում Foodstruct-ի հաճախումների քանակը օրեցօր ավելանում է: Հայաստանում ստեղծված ու զարգացած առողջ ապրելակերպի հարթակը, որի օգտատերերը հիմնական մասը ԱՄՆ-ից են, ամսական ունի շուրջ 300000 այցելություն։
FoodStruct-ն ունի մի շարք առանձնահատկություններ, որոնք թույլ են տալիս օգտատերերին՝
-հայտնաբերել վիտամինների և հանքանյութերի անբավարարությունը սննդակարգում
-որոնել սննդամթերք, որը կբավարի սննդային բարդ կարիքները
-համեմատել սնունդը առողջարարության և սննդարարության համատեքստում։
Ներդրումը կուղղվի հարթակի գիտական բժշկական բովանդակության ընդլայնմանն ու զարգացմանը:Հատկանշական է, որ ներդրումը աշխատատեղեր կստեղծի ոչ միայն ՏՏ ոլորտի, այլ նաև բժշկական և սննդային ոլորտի մասնագետների համար:
Մեկ այլ կարևոր ասպեկտ այն է, որ ներդրումը կատարվել է Հայաստանում, այսինքն՝ ընկերությունը մնացել է Հայաստանի իրավական և հարկային դաշտում և չի տեղափոխվել Միացյալ Նահանգներ:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։