ՀՀ կենտրոնական բանկի խորհրդի նոյեմբերի 9-ի որոշմամբ «Ֆասթ Կրեդիտ Կապիտալ» ՈՒՎԿ ՓԲԸ-ն ստացել է բանկային գործունեության լիցենզիա և այսուհետ կներկայանալու «Ֆասթ Բանկ» ՓԲԸ անվանմամբ։
«Խորհրդի որոշման կայացման համար հիմք է հանդիսացել դեռեւս 04.08.2021թ. ՀՀ Կենտրոնական բանկի խորհրդի կողմից տրված նախնական հավանությունը՝ «Ֆասթ Կրեդիտ Կապիտալ» ՈՒՎԿ ՓԲԸ՝ վարկային կազմակերպության գործունեության տեսակի փոփոխման վերաբերյալ: Ընկերությունը նախնական հավանությունը ստանալուց հետո մեկ տարվա ընթացքում իրականացրել է տնտեսական ծրագրով եւ օրենսդրությամբ սահմանված միջոցառումները եւ դիմել է ՀՀ կենտրոնական բանկ` որպես բանկ գրանցվելու եւ բանկային գործունեության լիցենզիա ստանալու համար:
Միաժամանակ, «Ֆասթ Բանկ» ՓԲԸ պարտավոր է ողջամիտ ժամկետում վարկային կազմակերպության գործունեության փոփոխության վերաբերյալ տեղեկացնել իր հաճախորդներին»,- նշել է ՀՀ ԿԲ-ն:
«Ֆասթ Բանկը» դառնում է ՀՀ 18-րդ առևտրային բանկը։ Հաջորդ շաբաթ բանկը հանդես կգա մամլո ասուլիսով։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
