Միլիարդատեր Մարկ Զաքերբերգը հայտարարել է Facebook-ի անվանափոխության մասին:
Facebook ընկերությունը, որին պատկանում են համանուն սոցիալական ցանցը, ինչպես նաև Instagram-ն ու WhatsApp-ը, կփոխի իր անունը, հայտարարել է ընկերության հիմնադիր Մարկ Զաքերբերգը: Այն այժմ կկոչվի Meta: Զաքերբերգն այս մասին հայտարարել է Connect կոնֆերանսի ժամանակ, որի հեռարձակումը հասանելի է YouTube-ի Reuters ալիքով։
Զաքերբերգը նաև ներկայացրել է ընկերության նոր լոգոտիպը, որը նման է մի փոքր կորացած հավերժության նշանի:
Facebook-ի բաժնետոմսերը շնորհանդեսից հետո սկսել են աճել ավելի քան 3%-ով։
Ինչպես երեկ հայտարարել է ընկերության ղեկավար Մարկ Զաքերբերգը, այսպես կոչված «Մետատիեզերքը» կներկայանա ընդլայնված հնարավորություններով՝ հնարավոր կլինի շփվել ընկերների հետ, կազմակերպել գործնական հանդիպումներ, գնումներ կատարել, համերգների գնալ։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
