IT Intellectual Cup 2024
Կկայանա ամենամյա IT Intellectual Cup 2024-ը, որը մեկ հարկի տակ կհավաքի ՏՏ ոլորտի գիտակներին՝ մարզելու միտքը, նոր կապեր հաստատելու և լավ ժամանակ անցկացնելու։
Առաջնությունն անցկացվելու է սպորտային «Ի՞նչ, որտե՞ղ, ե՞րբ» խաղի ձևաչափով։ Մրցանակակիրները կպարգևատրվեն գավաթով, մեդալներով և անակնկալ նվերներով։
Առաջնության ողջ հասույթն ուղղվելու է Ազատազէն ռազմակրթական հասարակական կազմակերպությանը։ Առաջնության կազմակերպիչն է zealous™ ընկերությունը, իսկ գլխավոր հովանավորը LayerSwap ընկերությունը։ Աջակից գործընկերներն են Գիտակների հայկական ասոցիացիան, Առաջատար տեխնոլոգիաների ձեռնարկությունների միությունը և Վեբ երեք զարգացման հիմնադրամը։
Ի՞նչ է անհրաժեշտ մասնակցության համար.
- կազմել 4-8 մասնակցից բաղկացած թիմ (8 խաղացողի դեպքում 2-ը կլինեն պահեստային խաղացողներ),
- գրանցվել այստեղ։ Գրանցման վերջնաժամկետը նոյեմբերի 15-ն է։
Առաջնության մասնակցության արժեքը կազմում է 100,000 ՀՀ դրամ, իսկ մարզերը ներկայացնող թիմերի համար՝ 70,000 ՀՀ դրամ։ Մեկ ընկերության կողմից երկու թիմի մասնակցության դեպքում երկրորդ թիմի մասնակցության արժեքը կկազմի 80,000 ՀՀ դրամ։
Առաջնության մանրամասներին և խաղի կանոններին կարող եք ծանոթանալ այստեղ։
