Իլոն Մասկի ուղեղի իմպլանտներ արտադրող Neuralink ընկերությունը դիմումներ է ներկայացրել Միացյալ Նահանգների արտոնագրերի և ապրանքանիշերի գրասենյակ (USPTO)՝ «Telepathy» և «Telekinesis» անվանումների բացառիկ օգտագործման իրավունք ստանալու համար, գրում է Wired-ը։
Նշենք, որ Մասկի ընկերության գյուտերից մեկի անվանումն արդեն իսկ Telepathy է։ Neuralink Telepathy սարքը թույլ է տալիս անդամալույծ մարդկանց մտքով կառավարել համակարգիչները և հեռախոսները՝ տեղադրված չիպը միացնելով սարքերին՝ Bluetooth-ի միջոցով: Ապագայում մշակողները խոստանում են հասնել Neuralink Telepathy սարքերի միջոցով օգտատերերի միմյանց հետ տելեպատիկ կերպով հաղորդակցմանը՝ օգտագործելով իմպլանտներ։
Պարալիզով հիվանդները նույնպես հնարավորություն կունենան օգտագործել արդեն ռոբոտ ձեռքը, որն աշխատում է չիպերի միջոցով։ Նրանք կկարողանան մտքի ուժով շարժել առարկաները: Telekinesis բառը դեռ պաշտոնապես չի օգտագործվում, սակայն արտոնագրի հայտը ուղղված է այս գյուտի անվանակոչմանը։
