Իլոն Մասկի կարողությունը գերազանցել է 400 միլիարդ դոլարը՝ դարձնելով նրան պատմության մեջ առաջին մարդը, ով հասել է նման անհավանական նշագծի: Tesla-ի բաժնետոմսերի աճը, SpaceX-ի հաջողությունը և Դոնալդ Թրամփի աջակցությունը այս նվաճման հիմնական գործոններն են, հաղորդում է Bloomberg-ը։
Նրա կապիտալի վերջին աճի հիմնական պատճառն առաջին հերթին SpaceX-ի բաժնետոմսերի ներքին վաճառքն էր, որը գնահատվեց ահռելի $350 միլիարդ դոլար և դարձավ աշխարհի ամենաթանկ մասնավոր ընկերությունը: Դրա շնորհիվ ձեռնարկատիրոջ կարողությունը անմիջապես թռիչքային աճել է 50 միլիարդ դոլարով և այժմ կազմում է 439,2 միլիարդ դոլար՝ ըստ Bloomberg Billionaires Index-ի:
Հետաքրքիրն այն է, որ Մասկի կարողությունը շատ փոփոխական է։ 2022 թվականի վերջին միլիարդատերը «կորցրեց» ավելի քան 200 միլիարդ դոլար, սակայն վերջին իրադարձությունները նպաստեցին նրա ֆինանսական վերականգնմանը։ Մասնավորապես, նախագահական ընտրություններում Թրամփի հաղթանակը կարևոր կատալիզատոր էր, քանի որ Մասկը ակտիվորեն աջակցում էր նրան՝ ներառյալ զգալի ֆինանսական ներդրումները նախընտրական արշավին։ Մասկը այժմ կղեկավարի Կառավարության արդյունավետության նոր նախարարությունը։
Բացի այդ, Tesla-ի բաժնետոմսերը ընտրություններից հետո աճել են 65%-ով՝ պայմանավորված այն ակնկալիքներով, որ ինքնակառավարվող մեքենաների ներդրման պայմանները կպարզեցվեն և Tesla-ի մրցակիցների համար հարկային արտոնությունները կվերացվեն: Մասկի հարստության աճի մեկ այլ գործոն է նրա xAI ընկերությունը, որն աշխատում է արհեստական ինտելեկտի ոլորտում։ Վերջին ամիսներին դրա արժեքը կրկնապատկվել է՝ հասնելով 50 միլիարդ դոլարի, իսկ Wall Street Journal-ի տվյալներով՝ Թրամփի հաղթանակից հետո ընկերության նկատմամբ հետաքրքրությունը միայն ավելի է աճել։
