Արցախահայերին աշխատանքով ապահելու նպատակ ունեցող ընկերություններին, անհատներին և կառույցներին «Ձեռնարկությունների ինկուբատոր» հիմնադրամը (EIF) համախմբման կոչ է արել և հանդես եկել նախաձեռնությամբ, ըստ որի՝ տեխնոլոգիաների, գյուղատնտեսության կամ հյուրընկալության ոլորտներում գործող գործատուների հետ միասին հիմնադրամը կկազմակերպի անվճար վերապատրաստման դասընթացներ՝ արցախահայեր համար։
«Հայաստանում աշխատուժի զարգացման» ծրագրի շրջանակներում յուրաքանչյուր գործատուի հետ միասին EIF-ը կմշակի վերջինիս կարիքներին համապատասխան կրթական ծրագրեր և փորձառու մասնագետների ներգրավմամբ անհրաժեշտ գիտելիքներ ու հմտություններ կփոխանցի արցախահայ երիտասարդներին։
Նախաձեռնությանը միանալու ցանկության դեպքում կարող եք լրացնել այս հայտաձևը, և EIF-ից անմիջապես կապ կհաստատեն Ձեզ հետ։
Հավելյալ տեղեկատվության համար կարող եք զանգահարել 011 219797 հեռախոսահամարով։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
