Krisp-ի համահիմնադիր և ղեկավար Դավիթ Բաղդասարյանը տեսահոլովակով ներկայացրել է ընկերության նորագույն լուծումները։ Այս լուծումների միտված են առցանց «հանդիպումները» որակյալ դարձնելուն։
Krisp-ի ներդրած նորարարություններից մեկը հանդիպման մասնակիցների խոսելաժամանակի հաշվարկն է։ Սրա շնորհիվ խոսելաժամանակի բաշխումը տարբեր մասնակիցների միջև վերահսկելի կդառնա։ Krisp-ի նորարությունների շնորհիվ կարող եք վիզուալ տեսնել ձայնի բարձրությունը, նույնիսկ չափել Ձեր ժպիտի չափը, ինչը կհուշի, թե ինչպես ավելի արդյունավետ կառուցել Ձեր խոսքը և հետաքրքիր ու գրավիչ դարձնել այն:
Համակարգը կարող է անգամ փոխել հանդիպման մասնակիցների հագուստը, «մաքրել շրջակայքը», հագուստի վրա տեղադրել կազմակերպությունների տարբերանշանները, ինչպես նաև փոխել մասնակցի հետին պատը, և այս ամենն ամենաբարձր որակով։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։