Կազմակերպիչ՝ Enterprise Incubator Foundation
Վերջնաժամկետ՝ մարտի 22
Մեկնարկ՝ մարտի 29
Տևողություն՝ 3-4 ամիս
Միջոցառման մասին․
«Հայաստանում աշխատուժի զարգացման» ծրագրի շրջանակում «Ձեռնարկությունների ինկուբատոր» հիմնադրամը (Enterprise Incubator Foundation (EIF))` Մայքրոսոֆթ ինովացիոն կենտրոնի (Microsoft Innovation Center Armenia) հետ համագործակցությամբ հայտարարում է «Տվյալագիտություն» (Data Science) անվճար դասընթաց երևանամերձ մարզերի 15-ից 29 տարեկան երիտասարդների համար։
Ներկայումս Տվյալագիտությունը արագ տեմպերով զարգացող մասնագիտություն է, որն ընդգրկված է մեծ պահանջարկ վայելող և բարձր վարձատրվող մասնագիտությունների համաշխարհային տասնյակում։
Մասնակիցները կսովորեն մշակել և վերլուծել մեծածավալ տվյալներ, ինչպես նաև կիրառել մեքենայական ուսուցման ալգորիթմներ տվյալների վերլուծության համար։
Դասընթացին մասնակցելու համար անհրաժեշտ են հետևյալ նախնական գիտելիքները՝
- Python ծրագրավորման լեզվի հիմունքներ,
- գծային հանրահաշվի և մաթեմատիկական անալիզի հիմունքներ,
- անգլերենի B1 մակարդակի իմացություն
Մարտի 22-ին՝ ժամը 19:30-ին Մայքրոսոֆթ ինովացիոն կենտրոնում կկայանա տեղեկատվական հանդիպում՝ դասընթացով հետաքրքրված անձանց համար:Մասնակիցների ընտրությունն իրականացվելու է թեստի և հարցազրուցի միջոցով։
Դասընթացին մասնակցելու համար անհրաժեշտ է մինչև մարտի 22-ը գրանցվել այս հղումով։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
