«Շինարարություն և Ինտերիեր 2024» տարվա ամենախոշոր միջազգային մասնագիտացված ցուցահանդեսն արդեն 16-րդ անգամ իրականություն կդառնա։ Հաշվի առնելով Հայաստանում շինարարական ոլորտի առաջանցիկ աճը, այս մասշտաբային միջոցառումն ավելի քան պահանջված ու ակտուալ է ինչպես շուկայի մասնակիցների, այնպես էլ սպառողների համար և նոր փոխշահավետ գործընկերային կապեր հաստատելու լավ հնարավորություն է ոլորտի ներկայացուցիչների համար:
Ովքե՞ր են մասնակցում
«Շինարարություն և Ինտերիեր 2024» ցուցահանդեսին մասնակցում են բնագավառը ներկայացնող շուրջ 180 կազմակերպություն՝ ինչպես Հայաստանից, այնպես էլ Ռուսաստանից, Իրանից, Վրաստանից, Կորեայից, Պորտուգալիայից, Ուկրաինայից և այլն։
Ի՞նչ է սպասվում մասնակիցներին
Այս տարի ցուցահանդեսը նախորդներից ավելի մասշտաբային է լինելու և հագեցած նորամուծություններով: Ցուցահանդեսի շրջանակում տեղի են ունենալու B2B հանդիպումներ, պանելային քննարկումներ, շնորհանդեսներ և վարպետաց դասեր:
Ցուցահադեսի բազմաթիվ տաղավարներում դուք կգտնեք.
- շինարարական գործիքներ և տեխնիկա
- կահույք, ջահեր
- կառուցապատողներ
- արևային համակարգեր
- շինարարական և ներքին հարդարման պարագաներ
- ջեռուցման և օդափոխման համակարգեր
- ներկանյութեր և պաշտպանիչ նյութեր
- սանտեխնիկա
- գազա, ջերմա և ջրամատակարարման համակարգեր,
- դռներ և պատուհաններ
- ինտերիերի և էքստերիերի դիզայն
Ցուցահանդեսի կազմակերպիչը
Ցուցահանդեսը կազմակերպում է «Պրոմ էքսպո» ընկերությունը, որը 17 տարվա գործունեության ընթացքում հնարավորություն է տվել բազմաթիվ կազմակերպությունների.
- Ծանոթանալ հայաստանյան և միջազգային շինարարական ընկերությունների նորություններին, արտադրանքներին, նորարարություններին
- Ստեղծել նոր գործարար կապեր, ընդլայնել իրենց բիզնեսը՝ միաժամանակ նպաստելով ոլորտի զարգացմանը
- Ձեռք բերել փոխշահավետ համագործակցություններ
Հովանավորներ
«Պրոմ էքսպոյի» կազմակերպած միջոցառման գլխավոր հովանավորն է «ԼՋ» ընկերությունը, պաշտոնական հովանավորը՝ «Պալիտրա» ընկերությունը։
Ե՞րբ և որտե՞ղ է տեղի ունենալու
Որտե՞ղ, ե՞րբ
«Շինարարություն և Ինտերիեր 2024» ցուցահանդեսը սպասում է այցելուներին Կարեն Դեմիրճյանի անվան մարզահամերգային համալիրում՝ մայիսի 17–ին, 18–ին, 19–ին, ժամը` 11:00-19:00-ն։
Ինչպե՞ս մասնակցել
Ցուցահանդեսի ՄՈՒՏՔՆ ԱԶԱՏ Է։
Մասնակցության համար անհրաժեշտ է գրանցվել այստեղ։
Ցուցահանդեսի մասին՝ հակիրճ`
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
