Վահե Անտոնյանի կողմից հիմնադրված Cognaize ընկերությունը 18 մլն դոլար ներդրում է ներգրավել, որն ուղղվելու է ֆինանսական ոլորտի համար ավելի ընդլայնված լեզվական մոդելի (LLM) մշակմանը։
Ներդրումային փուլը գլխավորում է Argonautic Ventures-ը, դրան մասնակցում են նաև Metaplanet-ը և այլ անանուն ներդրողներ: Ֆինանսավորումն ուղղվելու է տեխնոլոգիական հզորացմանն ու թիմի ընդլայնմանը:
Cognaize-ը փաստաթղթաշրջանառության ավտոմատացման եզակի լուծում է, որը հնարավորություն է տալիս շարունակաբար բարելավել ֆինանսական ծառայությունները և փոխակերպող որոշումներ կայացնել, որոնք հանգեցնում են բիզնեսի շարունակական բարելավմանը: Ընկերությունը համագործակցում է խոշոր ապահովագրական, ֆինանսական և վարկային կազմակերպությունների հետ։
Հիբրիդային բանականության վրա հիմնված ֆինտեխ ընկերությունը 2018 թ. հիմնադրվել է Նյու Յորքում։
Վերջինս նախկինում հիմնել էր ևս մեկ ֆինտեխ ընկերություն, որն ապահովում էր վերլուծություն և ռիսկերի կառավարում վարկային ներդրումների շուրջ և որն, ի վերջո, գնվել է Moody’s-ի կողմից: Cognaize-ն ունի գրասենյակներ նաև Գերմանիայում ու Հայաստանում։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
