SmartGateVC-ն հայտարարել էր, որ նախատեսում է նախասաղմնային փուլի ներդրում կատարել Cloudchipr հարթակում: Այն ամպային ծախսերի կառավարման եւ վերլուծական հարթակ է, որը նախատեսված է բազմաբնույթ ամպային հաշիվների համար:
Հարթակն ապահովում է ամբողջ ամպային գործունեության տեսանելիություն և հայտնաբերում է չօգտագործված ռեսուրսները՝ գործածելով նախապես սահմանված զտիչներ: Սա ինքնասպասարկման հարթակ է, որը նախատեսված է ոչ SRE մասնագետներ համար (հիմնադիրներ, օպերատորներ եւ ծրագրավորողներ), ինչը թույլ է տալիս կարճ ժամանակում արագ գնահատել եւ հաճախորդների համար առաջարկել մրցունակ, թափանցիկ ու հարմար գնային մոդել:
Cloudchipr-ը սկսել է եկամուտ բերել իր բետա թողարկումից մեկ շաբաթ անց, եւ ավելի քան 15 ընկերություն արդեն օգտագործում է այն: Բացի ծախսերը խնայելուց, Cloudchipr-ը նաև շրջակա միջավայրի համար բարենպաստ հարթակ է, որն օգնում է խնայել էներգիան եւ նվազեցնել ամպային ածխածնի արտանետումները: Ծախսերի խնայողությունը, էներգիան եւ էկոլոգիան մեր օրերում առաջնային են, եւ հենց այստեղ է Cloudchipr-ն օգտակար:
Ընկերության գործունեության այլ հետաքրքիր մանրամասները ներկայացված են տեսանյութում։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
