Չինաստանի Տյանցզինի և Հարավային գիտության և տեխնոլոգիայի համալսարանի գիտնականները ստեղծել են լաբորատորիայում աճեցված արհեստական ուղեղով ռոբոտ, որը կարող է մարզվել տարբեր առաջադրանքներ կատարելու համար, հայտնում է South China Morning Post-ը։
Հետազոտողները ստեղծել են «ուղեղ՝ չիպի վրա», որը միավորում է ուղեղի օրգանոիդը (մարդկային ցողունային բջիջներից ստացված հյուսվածք) նեյրոնային ինտերֆեյսի չիպի հետ, որը ռոբոտին մղում է գործողության, սովորեցնելով նրան խուսափել և հաղթահարել խոչընդոտները, ինչպես նաև բռնել առարկաները:
Չինացի գիտնականների զարգացումը պատկանում է «ուղեղ-համակարգիչ ինտերֆեյսների» (խմբ․ Brain–computer interface — BCI) զարգացող ոլորտին, որի նպատակն է կենդանի ուղեղի էլեկտրական ազդանշաններ միացում՝ արտաքին հաշվողական հզորության հետ:
Ըստ Տյանցզինի համալսարանի, դա «աշխարհում առաջին բաց կոդով խելացի և բարդ տեղեկատվական հաղորդակցման համակարգն է», որը կարող է հանգեցնել հաշվիչների զարգացմանը՝ փորձելով կրկնել մարդու ուղեղի բարդ գործառույթները։
BCI տեխնոլոգիան մեծ ուշադրության է արժանացել Իլոն Մասկի կողմից աջակցվող Neuralink նախագծի շնորհիվ: Այս նախագիծը ստեղծել է ինտերֆեյսներ, որոնք տեղադրվել են մարդու ուղեղի մեջ՝ թույլ տալով հիվանդներին կառավարել սարքերը միայն իրենց մտքերով:
Տյանցզինի համալսարանի գիտնականների կարծիքով՝ իրենց հետազոտությունները կարող են հանգեցնել մարդ-ռոբոտ հիբրիդային ինտելեկտի ստեղծմանը:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
