ՀՀ կենտրոնական բանկի խորհուրդը օգոստոսի 27-ի նիստում նախնական համաձայնություն է տվել «Էյչ-Էս-Բի-Սի Բանկ Հայաստան» ՓԲԸ-ի կանոնադրական հիմնադրամում «Արդշինբանկ» ՓԲԸ-ի կողմից 75 և ավելի տոկոս ուղղակի նշանակալից մասնակցության ձեռքբերմանը:
Հիշեցնենք նաև, որ 2024 թվականի հունիսի 6-ի թիվ 288-Ա որոշմամբ մրցակցության պաշտպանության հանձնաժողովը (ՄՊՀ) թույլատրել էր ընկերությունների համակենտրոնացումը, այն եզրահանգմամբ, որ համակենտրոնացումը չի հանգեցնում մրցակցության սահմանափակմանը և սպառողների շահերի վնասմանը։
HSBC Holdings plc-ի դուստր ընկերության՝ HSBC Europe B.V.-ի հետ համաձայնության գալու մասին՝ Հայաստանում վերջինիս դուստր բանկի ձեռք բերման վերաբերյալ հայտարարություն Արդշինբանկը տարածել էր փետրվարի 6-ին, երբ կողմերը տեղեկացրեցին, որ գործարքը ենթակա է հաստատման վերահսկող ու հակամենաշնորհային մարմինների կողմից և ավարտին կհասցվի առաջիկա 12 ամիսների ընթացքում:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
