Բրազիլիայի ազգային բանկը՝ Banco do Brasil-ը սկսել է ընդունել հարկային վճարումներ կրիպտոարժույթով: Գործառույթը մշակվել ու ներդրվել է Bitfy ստարտափի հետ համատեղ, որում ներդրում է կատարել Banco de Brasil-ի վենչուրային հիմնադրամը:
Օգտագործելով հավելվածը՝ հաճախորդները կարող են իրենց հաշվին առկա կրիպտոարժույթը փոխարկել բրազիլական ռեալի ու վճարել հարկերը:
Փաստորեն, Բրազիլիան ոչ միայն պետական մակարդակով թույլ է տալիս թվային ակտիվներով գործառնությունները, այլև ներդրում է կատարում ոլորտը սպասարկող տեխնոլոգիաներում:
Այսօր, Բրազիլիան Հարավային Ամերիկայում առաջին տեղն է գրավում թվային վճարումների տեխնոլոգիաների ներդրման ու օգտագործման, ինչպես նաև ոլորտի կարգավորման մեխանիզմների հարցում:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
