Black Shark-ը՝ Xiaomi-ի դուստր ձեռնարկությունը, հրապարակել է իր առաջին խելացի մատանու մի քանի գովազդային նկարներ: Ի թիվս այլ գործառույթների, այն հատկապես տպավորիչ է մարտկոցի մեկ լիցքավորմամբ աշխատելու ժամանակով։
Black Shark-ը պնդում է, որ մարտկոցը 180 օր է աշխատում, ինչը շատ ավելին է, քան Samsung-ի խոստացածը՝ գալիք Galaxy Ring-ի համար: MWC 2024-ի ավարտին կորեական ընկերությունը հաստատել էր, որ իր խելացի մատանին մեկ լիցքավորման դեպքում կգործի 5-9 օր:
Պետք է, սակայն, հաշվի առնել, որ Black Shark-ը չի նշել աշխատանքի ռեժիմը և չափման մեթոդաբանությունը։ 180 օր կարելի է հասնել «սպասման ռեժիմում», այսինքն՝ առանց սարքի օգտագործման: Այս հատկանիշը չի արտացոլում իրական ինքնավարությունը ակտիվ օգտագործման ժամանակ: Բացի այդ, մատանին գովազդվում է ֆիրմային լիցքավորման պատյանով, այնպես որ «180 օր»-ը կարող է սարքի աշխատանքի ժամկետ լինել՝ հաշվի առնելով պատյանից լիցքավորումը։
Բացի այդ, Black Shark-ը պնդում է, որ մատանին ունի ընդամենը 2,2 մմ հաստություն: Այս դիզայնը, ըստ ընկերության, նպաստում է «հարմարավետ կրելուն»: Ոչ բոլոր խելացի օղակները կարելի է անվանել բարակ, սակայն Oura Ring Gen3-ը, որն ունի 2,55 մմ հաստություն, օգտատերերի կողմից համարվում է բավականին հարմար։
Black Shark խելացի մատանին կապահովի «առողջության համապարփակ հետևում»: Արտադրողը խոստանում է ճշգրիտ հետևել սրտի բաբախյունին, արյան թթվածնով հագեցվածության մակարդակին, մարմնի ջերմաստիճանին և սրտի հաճախության փոփոխականությանը: Սարքի թողարկման ամսաթիվը և գինը դեռևս չեն հաղորդվում։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
