Բելգիայում գործարկվել է «բարձր տեխնոլոգիական» շտապօգնության մեքենա՝ հիվանդներին ավելի օպերատիվ և ճշգրիտ բուժօգնություն տրամադրելու համար։
Շտապօգնության մեքենան միացված է 5G ցանցին՝ թույլ տալով տվյալների գերարագ փոխանակում հիվանդանոցի հետ։ Այն նաև հագեցած է տեսախցիկներով և լրացուցիչ իրականության ակնոցներով, այդ թվում՝ հիվանդի համար։
Այսպիսով, հիվանդանոցի բժիշկները, գտնվելով հեռավորության վրա, կարող են «տեսնել» հիվանդին շտապօգնության անձնակազմի աչքերով և ուղղորդել նրանց ճշգրիտ բուժօգնություն ցուցաբերելու հարցում։
5G-ով հագեցած շտապօգնությունը նորարարական միջոց է՝ իրական ժամանակում հիվանդներին, շտապօգնության աշխատողներին և հեռահար բժշկական փորձագետներին միմյանց հետ միացնելու համար: Այն առաջինն է Եվրոպայում և ցույց է տալիս, թե ինչպես կարելի է տարբեր տեխնոլոգիաներ (5G, IoT, AR) միավորել և հզոր ազդեցություն ստեղծել բուժաշխատողներին աջակցելու և շտապօգնության բոլոր ծառայություններում հիվանդների խնամքի բարելավման գործում։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
