Կազմակերպիչներ՝ DataArt Armenia
Որտեղ՝ Holiday Inn Express Yerevan, an IHG Hotel
Երբ՝ մայիսի 14, ժամը՝ 12։00-16։00
Միջոցառման մասին․
DataArt-ը ռելոկացիայի արդյունքում Հայաստան տեղափոխված անհատների և կազմակերպությունների համար բաց դռների օր է կազմակերպում։ Միջոցառման ընթացքում մասնակիցները կկիսվեն իրենց փորձով, տարբեր թեմաներով ներկայացումների կմասնակցեն, կհանդիպեն հին ընկերներին կամ նոր ծանոթություններ ձեռք կբերեն։
Հյուրերին կողջունի և ընկերությունը կներկայացնի Երևանի DataArt R&D կենտրոնի փոխտնօրեն Իշխան Մարգարյանը, ով նաև կխոսի կարիերայի հնարավորությունների և Հայաստանում ՏՏ ոլորտի մասին։
Միջոցառման ընթացքում կբանախոսեն․
Յարոսլավ Դուբենսկ, սենյոր պրոդուկտ մենեջեր (Senior PM)։ Թեման՝ Մեծ Բրիտանիայի ներդրումային կառավարման ընկերությունում աշխատանքի հնարավորություններ։
Նա կներկայացնի ETL, BigData, Java և .Net ծրագրավորողների, նաև բիզնեսի և տվյալների վերլուծաբանների հնարավորությունները Մեծ Բրիտանիայի ներդրումային կառավարման ընկերության նախագծերում: Նրա ելույթը նախատեսված է այն ինժեներների համար, ովքեր ֆինանսական ոլորտում փորձառու են, կամ նրանց, ովքեր ցանկանում են պատկերացում կազմել ներդրումային շուկայի մասին:
Ալեքսանդր Պյատակով, տեխնիկական ճարտարապետ։
Նա կխոսի վճարային ծառայությունների մասին, ինչպես նաև կանդրադառնա դրանց ինտեգրմանը էլեկտրոնային առևտրի և ֆինանսական լուծումներում:
Բանախոսությունը նախատեսված է ծրագրային ապահովման ինժեներների, տեխնոլոգիական ճարտարապետների և բիզնես վերլուծաբանների համար, ովքեր ունեն վճարային ծառայությունների հետ կապված փորձ կամ ցանկանում են ավելին իմանալ դրանց մասին:
Օլգա Ռոմանով՝ առեղջապահական ոլորտում ծրագրի ղեկավար։
Նա կբանախոսի առողջապահության ոլորտում ծրագրային ապահովման մշակման առանձնահատկությունների մասին։
Բանախոսությունը նախատեսված է ՏՏ ոլորտի այն մասնագետների համար, ովքեր հետաքրքրված են առողջապահության ոլորտով։
Լեզուն՝ ռուսերեն, անգլերեն։
Մուտքն ազատ է։ Գրանցման համար կարող եք անցնել՝ հղումով։
