Delta Electronics-ը ներկայացրել է ADP-240KB լիցքավորիչը, որն ապահովում է USB Type-C Power Delivery (USB-PD) լիցքավորում մինչև 240 Վտ հզորությամբ: Այն գովազդվում է որպես AC ադապտեր և իրենից ներկայացնում է ուղղանկյուն սարք՝ ստանդարտ երեք փին միակցիչով (AC լարը ներառված չէ): Սա փաստացի շուկայում առաջին լիցքավորիչն է, որն ապահովում է 240 Վտ USB Type-C լիցքավորում:
Ինչպես նշում է The Verge-ը, USB-C Power Delivery ստանդարտն աջակցում է մինչև 240 Վտ լիցքավորում մեկ սարքի համար, բայց մինչ այժմ ոչ ոք չէր վաճառում այդ հզորությամբ լիցքավորիչ ուղղակիորեն հաճախորդներին:
Delta Electronics-ը այնքան էլ հայտնի չէ սպառողական էլեկտրոնիկայի շուկայում, սակայն ընկերությունը հաճախ հանդես է գալիս որպես նոութբուքերի լիցքավորիչների արտադրող, օրինակ՝ Dell-ի և Lenovo-ի համար: Այժմ Delta-ն ներկայացրել է USB-PD լիցքավորիչ, որը հարմար է ցանկացած համատեղելի սարքերի, օրինակ՝ ժամանակակից նոթբուքերի սնուցման համար: Այս պահին ԱՄՆ-ում հնարավոր է գնել ADP-240KB ադապտերը $126,37-ով:
