2024 թվականի առաջին եռամսյակի համախառն ներքին արդյունքը (ՀՆԱ) կազմել է 1,971 տրիլիոն ՀՀ դրամ, ինչը նախորդ տարվա համեմատ աճել է 9,2%-ով, տեղեկանում ենք ՀՀ վիճակագրական կոմիտեի հրապարակած տվյալներից։
Ոլորտային ամենամեծ աճը գրանցվել է մշակող արդյունաբերությունում՝ 31,1% նախորդ տարվա նույն ժամանակաշրջանի համեմատ։ Մեծածախ և մանրածախ առևտրի դեպքում աճը կազմել է 25,1%, ֆինանսական և ապահովագրական գործունեության դեպքում՝ 17,2%, շինարարության դեպքում՝ 12,4%։ Պետական կառավարման և պաշտպանության ոլորտում ամենամեծ անկումն է գրանցվել՝ 13,2%։
Մեկ շնչին ընկնող համախառն ներքին արդյունքը (ՀՆԱ) կազմել է 653 721 ՀՀ դրամ (դոլարային արտահայտմամբ՝ 1 621 ԱՄՆ դոլար)։
ՀՆԱ կառուցվածքում ամենամեծ մասնաբաժինն ընկնում է մեծածախ և մանրածախ առևտրին (14%), հաջորդել են մշակող արդյունաբերությունը (11,8%), անշարժ գույքի հետ կապված գործունեությունը (10,4%), ֆինանսական և ապահովագրական գործունեությունը (10%)։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
