Հայկական Trag և Softr ստարտափները Golden Kitty Awards 2024-ի հավակնորդների ցանկում են:
Trag ստարտափը մրցում է «Developer Tools» անվանակարգում՝ որպես լավագույն գործիք ծրագրավորողների համար, և«Open Source» անվանակարգում։ Trag-ը վերափոխում է կոդի վերանայման մոտեցումը՝ տրամադրելով իրական ժամանակում կոնտեքստային հետադարձ կապ, որը հարմարեցված է ծրագրավորման տարբեր միջավայրերին։ Այս նորարարական գործիքը հնարավորություն է տալիս ծրագրավորողներին ավելի արդյունավետ աշխատել՝ ֆիքսելով խնդիրները նախքան դրանց ազդեցությունը նախագծերի վրա։ Trag-ի օգտագործման շնորհիվ ծրագրավորման գործընթացները դառնում են ավելի արագ, իսկ արդյունքները՝ ավելի բարձրորակ։
Golden Kitty Awards 2024-ի «No Code» անվանակարգում առաջադրվել է հայկական մյուս ստարթափի՝ Softr-ի Notion հարթակի համար նախատեսված պրոդուկտը։ Softr-ը հարթակ է, որի միջոցով կարելի է շատ կարճ ժամանակում և առանց ծրագրավորման գիտելիքների ու կոդ գրելու ստեղծել լիարժեք կայքեր և վեբ հավելվածներ՝ որպես տվյալների բազա օգտագործելով Airtable պլատֆորմը:
Golden Kitty Awards մրցանակաբաշխությունն անցկացվում է՝ սկսած 2017 թվականից: Այստ տարվա քվեարկությունը 17 անվանակարգերով մեկնարկել է հունվարի 20-ին և կտևի մինչև հունվարի 26-ը: Բոլոր պրոդուկտները տեսնել և քվեարկել հնարավոր է այստեղ։
Golden Kitty մրցանակաբաշխությունը ամենանորարար պրոդուկտների և դրանց հետևում գտնվող հեղինակների ամենամյա մրցույթ է: Նախկին հաղթողների թվում են OpenAI-ը, Figma-ն, Notion-ը և այլ հեղինակավոր ընկերություններ:
