Վերակառուցման և զարգացման եվրոպական բանկի (ՎԶԵԲ) վերջին կանխատեսման համաձայն, 2025-ին Հայաստանի իրական ՀՆԱ-ի աճը կկազմի 5%, իսկ 2026-ին՝ 4.5%։ Սա փոքր-ինչ բարձր է նախորդ կանխատեսման համեմատ (4.8% 2025-ի համար)։ Տնտեսական աճի շարունակականությունը կախված կլինի ներդրումային միջավայրի կայունությունից, տնտեսական բարեփոխումների տեմպից և արտաքին պահանջարկից։
Տարածաշրջանի համար արվել են հետևյալ կանխատեսումները։
Ռուսաստանում 2025-ին ՀՆԱ-ի աճը կանխատեսվում է 1.5%, իսկ 2026-ին՝ նույնպես 1.5%։ Տնտեսության աճը սահմանափակվում է միջազգային պատժամիջոցներով, ռազմական ծախսերի բարձր մակարդակով և ներդրումային միջավայրի վատթարացմամբ։
Ադրբեջանում 2025-ին իրական ՀՆԱ-ի աճը կկազմի 3%, իսկ 2026-ին՝ 2.5%։ Նավթային եկամուտների անկումը, ներդրումների դանդաղումը և պետական ծախսերի վերահսկման խստացումը կազդեն աճի տեմպերի վրա։
Թուրքիայում 2025-ին ակնկալվում է 3%, իսկ 2026-ին՝ 3.5% տնտեսական աճ։ Տնտեսական քաղաքականությունը կենտրոնացած է լինելու գնաճի վերահսկման և արտահանման մրցունակության պահպանման վրա։
Վրաստանի համար կանխատեսվում է 6% տնտեսական աճ 2025-ին և 5%՝ 2026-ին։ Տնտեսության աճի հիմնական շարժիչ ուժերն են ծառայությունների ոլորտի զարգացումը, օտարերկրյա ներդրումները և տրանսպորտային ենթակառուցվածքների ընդլայնումը։
Կարդացեք նաև՝
