Հայաստանում գործող առևտրային բանկերը 2022թ. արձանագրել են 255.6 մլրդ դրամի զուտ շահույթ, ինչը շուրջ 3 անգամ ավել է, քան նախորդ տարի, տեղեկանում ենք Modex խորհրդատվական ընկերության ներկայացրած տվյալներից:
Ամենամեծ շահույթը նախորդ տարի արձանագրել է Արդշինբանկը՝ 62,2 մլրդ դրամ, որը գրեթե հնգապատկել է իր շահույթը 2021թ. համեմատ: Նախորդ տարվա առաջատար Ամերիաբանկը երկրորդն է ցանկում 44 մլրդ դրամ շահույթով: Շահույթի մակարդակի շեշտակի աճ են արձանագրել Էվոկաբանկը (1.1 մլրդ դրամից՝ 25 մլրդ) և ԱյԴի Բանկը (1.5 մլրդ դրամից՝ 15 մլրդ):
Հատկանշական է, որ բոլոր բանկերն, բացի VTB-ից աշխատել են շահույթով, իսկ շահույթ արձանագրած 16 առևտրային բանկերից միայն 2-ի դեպքում է գրանցվել զուտ շահույթի անկում։
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
