Հայաստանի բանկային համակարգը վերջին տարիներին արձանագրել է թռիչքային աճ՝ 2024թ.-ին հասնելով մոտ 363 մլրդ դրամի զուտ շահույթի, որը համարժեք է ավելի քան $924 մլն-ի։ Սա 49%-ով ավել է 2023թ.-ի արդյունքների համեմատ, ինչը ցույց է տալիս բանկային համակարգի կայունությունը և արդյունավետության աճը։
Վերջին տարիների ընթացքում բանկերի շահույթն աճել է գրեթե 5 անգամ։ 5 տարվա կտրվածքով պատկերն այսպիսին է․
▫️ 2021թ․՝ 76,1 մլրդ դրամ
▫️ 2022թ․՝ 255,6 մլրդ դրամ
▫️ 2023թ․՝ 230 մլրդ դրամ
▫️ 2024թ․՝ 363 մլրդ դրամ
Շահույթի ցուցանիշով 2024թ․ բանկերի առաջատարը «Արդշինբանկն» է, որը, HSBC Հայաստանի հետ կոնսոլիդացիայի արդյունքում, արձանագրել է 132 մլրդ դրամ զուտ շահույթ։ Սա զգալիորեն գերազանցում է մյուս բանկերի ցուցանիշները։
Միևնույն ժամանակ, «Ամերիաբանկը» և «Ինեկոբանկը» շարունակում են պահպանել իրենց առաջատար դիրքերը՝ համապատասխանաբար 60 և 29 մլրդ դրամի շահույթով։ Նրանց հետևում են «ԱԿԲԱ» բանկը՝ 28.3 մլրդ դրամով և «IDBank»-ը՝ 15.7 մլրդ դրամով։
Կարդացե՛ք նաև՝
