Հայ պատանի ճարտարագետների թիմերը տպավորիչ հաջողություն են գրանցել Սլովենիայում կայացած Ռոբոտների համաշխարհային օլիմպիադայի 2025 թվականի բաց մրցաշարում։
Մրցաշարին մասնակցել է 45 երկրի 214 թիմ, և Հայաստանը ներկայացնող երեք թիմերը նվաճել են բոլոր երեք մեդալները․
- «Արմաթ» – ոսկե մեդալ «Ապագա նորարարներ» անվանակարգում,
- «GDL» – արծաթե մեդալ,
- «BigBots» – բրոնզե մեդալ։
Ոսկե մեդալը Հայաստանի համար ապահովել են Արմաթ ճարտարագիտական աշխատարանների սաները՝ Արարատ Բայանդուրյանը և Գրիգոր Խոջայանը (Այգուտի դպրոց), Վահե Գաբրիելյանը (Երևանի №131 դպրոց)։ Թիմի մարզիչ-խմբավարն է Շահեն Արաբաչյանը։
