2025 թվականի հուլիսի 23-ին, առավոտյան ժամը 10։10-ից, տեխնիկական խնդիրների հետևանքով խաթարվել է Arca վճարային համակարգի բնականոն գործունեությունը։ Դրա արդյունքում որոշ քարտային գործարքներ ժամանակավորապես անհասանելի են եղել։
Ըստ ընկերության՝ 12։45-ի դրությամբ համակարգի հիմնական գործառույթները վերականգնվել են, իսկ այս պահին խնդիրներ պահպանվում են միայն բանկային հավելվածներում և քարտից քարտ փոխանցումների կատարման ժամանակ։
Arca-ն հայտնում է, որ իրենց տեխնիկական թիմը ակտիվորեն աշխատում է համակարգի ամբողջական վերագործարկման և ծառայությունների լիարժեք հասանելիության ապահովման ուղղությամբ։
Ընկերությունը ներողություն է խնդրում պատճառված անհարմարությունների համար և կոչ է անում հետևել իրենց պաշտոնական հարթակներին՝ թարմացումների համար։
