Եվրասիական տնտեսական հանձնաժողովի խորհրդի որոշմամբ՝ ֆիզիկական անձանց կողմից անձնական օգտագործման համար առցանց անմաքս առևտրի թույլատրելի շեմը մարտի 31-ից վեց ամսով սահմանվել է 200,000 դրամ՝ նախկին 200 եվրոյի փոխարեն:
Առցանց անմաքս առևտրի թույլատրելի շեմի արտոնությունն ուժի մեջ է մինչև հոկտեմբերի 1-ը, հայտնում է Պետական եկամուտների կոմիտեն։
Ֆիզիկական անձը կարող է օրվա մեջ մի քանի տարբեր կայքից գնումներ իրականացնել և այդ առաքանիները ներմուծել Հայաստան: Արտոնության սահմանաչափը կիրառվում է յուրաքանչյուր առաքանու մասով:
Դեռևս հայտնի չէ՝ արդյոք հոկտեմբերի 1-ից հետո արտոնությունների ժամկետը կարող է երկարացվել, թե ոչ։
Արտոնության մասին որոշումը հրապարակվել էր ԵԱՏՄ հանձնաժողովի կայքում 2022 թվականի մարտի 21-ին և ուժի մեջ է մտել հրապարակվելուց հետո տասներորդ օրը՝ 2022 թվականի մարտի 31-ին։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
