EPIC (Entrepreneurship and Product Innovation Center) ծրագրի 15-րդ խմբի դիմումները բաց են: Սա հիանալի հնարավորություն է այն ստարտափների համար, որոնք պատրաստ են իրենց գաղափարները վերածել հաջողված բիզնեսի:
EPIC-ը 15 շաբաթ տևողությամբ ծրագիր է, որի ընթացքում գաղափի փուլում գտնվող ստարտափները կսովորեն կիրառել գործիքներ՝ իրենց գաղափարները ստուգելու, հաճախորդներ (և մրցակիցներ) հայտնաբերելու, իրենց գաղափարները փորձարկելու, տեղական և միջազգային շուկաներ մուտք գործելու և ստարտափների էկոհամակարգին ինտեգրվելու համար:
15 շաբաթների ընթացքում մասնակիցները կստանան հատուկ մշակված կրթական ծրագիր, որը կներառի՝
- սեմինարներ և աշխատաժողովներ՝ շաբաթը երեք անգամ (յուրաքանչյուր երկուշաբթի, չորեքշաբթի և ուրբաթ՝ երեկոյան),
- հաճախորդների հայտնաբերման և զարգացման ուղղորդվող գործընթաց,
- անհատական մենթորություն թիմերի համար,
- բիզնես և տեխնոլոգիական խորհրդատվություն,
- հանդիպումներ հաջողակ ձեռներեցների հետ,
- ժամանակակից սարքավորումներ և տարածք՝ թիմային հանդիպումների և աշխատանքի համար,
- անվճար իրավական խորհրդատվություն AUA-ի Տեխնոլոգիաների և Նորարարությունների Իրավական Կլինիկայի (TIL Clinic) կողմից,
- ներդրողների, հրեշտակների և վենչուրային կապիտալիստների հետ ծանոթացումներ,
- դրամական մրցանակներ՝ լավագույն ստարտափներին:
Ծրագիրը մեկնարկել է 2017 թ.-ից, և այս տարիների ընթացքում EPIC-ում արդեն մասնակցել են ավելի քան 130 ստարտափ և 320+ ձեռներեց: Անկախ նրանից, թե դուք Հայ-Ամերիկյան համալսարանի ուսանող եք, թե ոչ, եթե ունեք նորարար գաղափար, որը կարող է լուծել իրական խնդիրներ, ապա այս ծրագիրը հենց ձեզ համար է:
Դիմումների նեկայացման վերջնաժամկետը 2024 թ. սեպտեմբերի 15-ն է: Դիմելու համար անցեք հղումով։
Կարդացե՛ք նաև.
- Y Combinator աքսելերատորն ընդունում է հայտեր
- ՀՀ ԲՏԱ նախարարությունը հայտարարում է դրամաշնորհային մրցույթ՝ «Մուտք դեպի շուկա» բաղադրիչով
Բիզնես և տեխնոլոգիական ոլորտի այլ հնարավորություններ գտե՛ք այստեղ։
