Մոտ ապագայում սմարթֆոնների մեծ մասը կունենա բարձր խտության մարտկոց, ինչի շնորհիվ դրանց անհամեմատ ավելի երկար կաշխատեն, հայտնում է Wccftech-ը։
Լրագրողների կարծիքով՝ շատ շուտով Android հեռախոսների շուկայում կհայտնվեն ռեկորդային ինքնավարություն ունեցող բարակ սարքեր։ Դրան կհաջողվի հասնել նորարարական սիլիկոն-ածխածնային մարտկոցների կիրառմամբ, որոնք ունեն բարձր խտություն:
Որպես օրինակ՝ Wccftech-ի հեղինակները բերել են OnePlus Ace 3 Pro-ն, որը ներկայացվել է հունիսի վերջին։ Սարքը ստացել է 6100 միլիամպ/ժամ հզորությամբ և մինչև 9 միլիմետր հաստությամբ մարտկոց։ OnePlus-ը հիմնվել է Glacier Battery տեխնոլոգիայի վրա, որը թույլ է տալիս բարակ սիլիկոն-ածխածնային մարտկոցներ: Ենթադրվում է, որ նման սարքերը մեկ լիցքավորման դեպքում ավելի երկար կաշխատեն, քան սովորական սմարթֆոնները, որոնք հագեցած են 5000 միլիամպ/ժամ հզորությամբ մարտկոցով։
Նյութի հեղինակները վկայակոչել են նաև Digital Chat Station մականունով հայտնի ինսայդերին։ Մասնագետի կանխատեսմամբ սիլիկոն-ածխածնային մարտկոցները լայն կիրառում կստանան և շուկայում մինչև 7000 միլիամպ/ժամ հզորությամբ մարտկոցներ կհայտնվեն։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
