Amazon-ում սկսել են վաճառել գրքեր ու հեքիաթներ՝ գրված ChatGPT արհեստական բանականության վրա հիմնված նեյրոցանցի կողմից, հաղորդում է Reuters-ը:
Kindle հարթակում ներկայացված է ավելի քան 200 ստեղծագործություն, որի հեղինակը կամ համահեղինակը ChatGPT նեյրոցանցն է: Այս պահին Amazon հարթակի քաղաքականությունը ուղղակիորեն չի արգելում նման գործունեությունը, որից էլ օգտվում են «հեղինակները»: Նրանցից ոմանք նույնիսկ հասցրել են եկամուտ ունենալ:
Ըստ աղբյուրի` հեղինակներից մեկը ChatGPT-ի կողմից գեներացված 30 էջանոց հեքիաթը վաճառել է 100 ԱՄՆ դոլարով, իսկ, օրինակ, սկյուռի մասին հեքիաթն էլ տպագիր տարբերակով արժե 9,99 դոլար, իսկ թվային տարբերակով՝ 2,99 դոլար:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
