Akvelon միջազգային ՏՏ ընկերությունը Երևանում գրասենյակ է կառուցում, այն այժմ գտնվում է շինարարության ակտիվ փուլում։
«Մեզ սպասվում է 1500քմ տարածք, 3 լուսավոր և ընդարձակ հարկ, 4մ բարձրությամբ առաստաղներ, պանորամային պատուհաններ, սեփական խոհանոց, ընդարձակ Open Space-ներ և տարբեր հանգստի գոտիներ»,- հայտնում է ընկերությունն իր ВКонтакте-ի էջում։
Akvelon-Ը միջազգային ՏՏ ընկերություն է, որը 10 երկրներում ունի 13 մասնաճյուղեր և ավելի քան 1000 աշխատակից։ Գլխավոր գրասենյակը գտնվում է Բելվյուում(Վաշինգտոն)։ 2000թ. սկսած ընկերությունը ծրագրային ապահովում է մշակում այնպիսի խոշոր ընկերությունների համար, ինչպիսիք են Microsoft-ը, GitHub-ը, Intel-ը, HP-ն, Reddit-ը, Pinterest-ը, Starbucks-ը և այլն։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
