Լեզուների մեծ մոդելները (LLM) ապացուցել են, որ կարող են նոր հետազոտական գաղափարներ առաջարկել փորձագիտական մակարդակում: Ավելին, նոր հետազոտության համաձայն՝ այս գաղափարներն ավելի օրիգինալ ու հետաքրքիր են ստացվել, քան մասնագետների առաջարկածները։ Սա կասկածի տակ է դնում մարդկային ինտելեկտի եզակիությունը գիտական նորարարությունների ոլորտում և նոր հորիզոններ է բացում գիտական հանրության մեջ AI-ի զարգացման համար։
Պարզվում է, որ AI մոդելները, ինչպիսիք են OpenAI-ի ChatGPT-ն և Anthropic-ի Claude-ն, ունակ են ինքնուրույն ստեղծել և հաստատել նոր գիտական վարկածներ: Ենթադրվում էր, որ նոր գիտական հայտնագործությունները մարդու բացառիկ իրավասությունն են։
Այնուամենայնիվ, մարդկանց արդեն փոխարինելով գեղարվեստական արտահայտման, երաժշտության և ծրագրավորման ոլորտներում, AI-ն այժմ էլ նպատակ ունի գրավել գիտությունը, ցույց տալով հետազոտական գաղափարներ առաջարկելու իր ունակությունները, որոնք միջինում ավելի նորարարական են, քան գիտնականների առաջարկածը:
Այս վարկածը ստուգելու համար հետազոտություն է իրականացվել բնական լեզվի մշակման (NLP) ոլորտում։ 49 փորձագետներ ձևակերպել են գաղափարներ NLP-ի ոլորտում՝ 7 կոնկրետ թեմաների վերաբերյալ, մինչդեռ հետազոտողների կողմից հատուկ պատրաստված AI-ը նույնպես գաղափարներ է ստեղծել նույն թեմաների շուրջ: Արդյունքները զարմանալի էին. AI-ի կողմից ստեղծված գաղափարները, համեմատած մարդկային գաղափարների, ստացել են վիճակագրորեն ավելի բարձր գնահատականներ՝ նորարարության և հետաքրքրաշարժության համար:
Այնուամենայնիվ, AI-ի գաղափարները մի փոքր ավելի ցածր էին իրագործելիության, և մի փոքր ավելի բարձր՝ արդյունավետության տեսանկյունից, քան մարդկային գաղափարները։
Ուսումնասիրությունը նաև բացահայտեց արհեստական ինտելեկտի կատարման որոշ թերություններ, օրինակ՝ գաղափարների բազմազանության բացակայությունը:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
