Օգոստոսի 20-ին Վանաձորի տեխնոլոգիական կենտրոնում կայացավ «Ձեռնարկությունների ինկուբատոր» (Enterprise Incubator Foundation (EIF) հիմնադրամի կողմից «Հայաստանում աշխատուժի զարգացման» ծրագրի ներքո կազմակերպված AI Code battle մրցույթը, որտեղ մասնակիցները ներկայացրին AI գործիքներով աշխատող իրենց նախագծերն ու դրանց դեմո տարբերակները։
Մրցույթին մասնակցության հայտ էին ներկայացրել 17 թիմեր և անհատներ։ Նախագծերի ներկայացումից հետո մասնագիտական ժյուրին ընտրեց նախատեսված 3 անվանակարգերից յուրաքանչյուրի լավագույնին, որոնք արժանացան համապատասխանաբար 500 հզրական դրամների:
AI code battle-ում հաղթող ճանաչված 3 նախագծերն են՝
- «stAIIlist» թիմը՝ «Արհեստական բանականությամբ աշխատող գործիքների ստեղծարար կիրառությամբ ստեղծված նախագիծ» անվանակարգում,
- «PPlot» թիմը՝ «Արհեստական բանականությամբ աշխատող գործիքների լայնածավալ կիրառությամբ ստեղծված նախագիծ» անվանակարգում,
- «Signhub» թիմը՝ «Արհեստական բանականությամբ աշխատող գործիքների արդյունավետ կիրառությամբ կրթական նախագիծ/մոդել» անվանակարգում։
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
- Advertisement -
