Tesla-ի հիմնադիր Իլոն Մասկը ամսվա սկզբին վաճառել է Tesla-ի 7,924,107 բաժնետոմս՝ 6,88 միլիարդ դոլար արժողությամբ, տեղեկանում ենք Bloomberg-ից: Գործարքի մասին հայտնի է դարձել ԱՄՆ Արժեթղթերի հանձնաժողովի փաստաթղթերից։
Ավելի վաղ Մասկը հայտարարել էր, որ այլևս չի պատրաստվում վաճառել Tesla-ի բաժնետոմսեր, սակայն Bloomberg-ի տվյալներով՝ վերջին 10 ամսում վաճառել է ավելի քան 32 մլրդ դոլարի բաժնետոմս։
Շուկայի փորձագետների կարծիքով Մասկը պատրաստվում է «քիչ հավանական իրադարձությանը», երբ Twitter-ը կստիպի նրան ավարտին հասցնել սոցցանցի գնման գործարքը՝ 44 մլրդ դոլարով։
Իլոն Մասկը 44 միլիարդ դոլարով գնում է Twitter-ը
Հիշեցնենք, որ 2022-ի գարնանը միլիարդատերը հայտարարել էր, որ պլանավորում է 44 մլրդ դոլարով գնել Twitter-ը: Բայց մայիսի կեսերին նա դադարեցրել էր գործարքը, իսկ արդեն հուլիսի 9-ին հրաժարվել էր գնման գործարքից։
Reuters. Մասկը հրաժարվել է գնել Twitter-ը
Ինչից հետո Twitter ընկերությունը դատական հայց է ներկայացրել Մասկի դեմ՝ ստիպելու համար նրան։ Այս ընթացքում ընկերության բաժնետոմսերը մի քանի անգամ հասցրել են գնանկում գրանցել։
Twitter-ը դատի է տվել Իլոն Մասկին
Հուլիսի վերջին Twitter-ը հայտարարել էր, որ սոցցանցի բաժնետերերը սեպտեմբերի 13-ին արտահերթ ժողովում քվեարկություն կանցկացնեն հարթակը Մասկին վաճառելու հարցի շուրջ՝ ապրիլին ձեռք բերված համաձայնությանը համապատասխան:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
