ԿԲ նախագահ Մարտին Գալստյանը Orion Summit 2022-ի ժամանակ ասաց, որ այժմ ճգնաժամի այնպիսի միջնամասում ենք, որը վերջին 40-50 տարվա ընթացքում մեզ հետ չէր պատահել:
Նրա խոսքով, այդ իսկ պատճառով կա գնաճ կոչվող մի երեւույթ, որն արձանագրվել է նույնիսկ ԱՄՆ-ում, իսկ այդպիսի դեպք նրանց հետ հավանաբար պատահել էր 1980-ականներին:
«Մենք ընդհանուր առմամբ ունենք մանդատ՝ տնտեսության համար ապահովել գների կայունություն և կանխատեսելի գների հետագիծ: Այդ իսկ պատճառով փոխարժեքն օգտագործում ենք որպես գործիք։ Չէի ուզի իբրև հաճոյախոսություն ընդունել այն, որ մեր դրամը ամուր է: Դա էկզոգեն գործոն է, որը տեղի է ունենում մեզ հետ՝ կապված Հայաստան օտարերկրյա այցելուների հետ: Հայաստանից արտահանման աճը այստեղ իր դերակատարումը նույնպես ունի»,-ասաց նա:
«Հայաստանը դիրքավորվում է ոչ թե այսօրվա կարիքներից ելնելով, այլ ապագայի». ԲՏԱ փոխնախարար
ԿԲ նախագահը տեղեկացրեց, որ երեկոյան ռեստորաններում օտարերկրյա այցելուներն ըստ վիճակագրական կանոնների՝ արտահանում է:
«Հետևաբար, մենք ականատես ենք լինում արտահանման և ներմուծման անհավատալի աճի, ինչն էլ, բնականաբար, բերում է ազգային արժույթի արժեւորմանը»,- ասաց ԿԲ նախագահը:
Նրա խպոսքով, այժմ, հատկապես արտահանողները փորձում են արհեստականորեն արժեզրկել հայկական դրամը և կոչ են անում Կենտրոնական բանկին միջամտել ու արժեզրկել հայկական դրամը, ինչն ըստ երևույթին, պետք է օգնի հայ արտահանողներին ավելի մրցունակ լինել դրսում։
«Բայց արդյո՞ք դրամի 5-10% արժեզրկումն այն խթանն է, որն անհրաժեշտ է հայ արտահանողներն արդյունավետ լինելու համար։ Իմ պատկերացմամբ դա լուծում չէ, լուծումը եզակի լինելն է: Այսպիսով, եթե մենք ուզում ենք եզակի լինել, կան մի քանի բաներ, որոնք պետք է անենք միասին, այնպես որ ես հույսս չդնեմ միայն արհեստականորեն արժեզրկված փոխարժեքի վրա՝ որպես մեր ինովացիոն քաղաքականության գործիք»,-հայտարարեց Մարտին Գալստյանը:
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
