Սննդամթերքի անվտանգության տեսչական մարմինը հայտարարել է բուսասանիտարական ենթահսկման բեռների արտահանման նոր կանոնակարգերի մասին, որոնք գործելու են 2026 թվականի հուլիսի 10-ից: Ըստ նոր կարգավորումների՝ ֆիզիկական անձանց այլևս չի թույլատրվելու Հայաստանի Հանրապետությունից արտահանել բուսասանիտարական ենթահսկման արտադրանք առևտրային քանակներով: Նպատակն արտահանման գործընթացների հստակեցումն ու ԵԱՏՄ տեխնիկական կանոնակարգերին համապատասխանեցումն է:
Համաձայն ԵԱՏՄ տեխնիկական կանոնակարգի, ֆիզիկական անձանց կողմից անձնական օգտագործման նպատակով տեղափոխվող բուսասանիտարական ենթահսկման արտադրանքի ընդհանուր քաշը չի կարող գերազանցել 5 կիլոգրամը: Այս սահմանաչափը պարտադիր է պահպանման համար, իսկ առևտրային ծավալներ ակնկալող արտահանողները պարտավոր են գործընթացը կազմակերպել բացառապես սահմանված իրավական պահանջներին համապատասխան:
Տեսչական մարմինը շարունակելու է հետևողական վերահսկողություն իրականացնել սահմանային անցակետերում՝ ապահովելու արտահանվող արտադրանքի անվտանգությունն ու միջազգային չափանիշների պահպանումը: Արտահանողներին խորհուրդ է տրվում նախապես տեղեկանալ արտադրանքի նկատմամբ կիրառվող հատուկ բուսասանիտարական պահանջներից՝ հետագա խնդիրներից խուսափելու համար, ինչպես նաև օգտվել Սննդամթերքի անվտանգության տեսչական մարմնի տրամադրած խորհրդատվական աջակցությունից:
