FlyOne Armenia ավիաընկերությունը 2026 թվականի հունիսի 4-ից կսկսի իրականացնել կանոնավոր չվերթեր Երևան–Ալիկանտե–Երևան ուղղությամբ։ Այս մասին պաշտոնապես տեղեկացրել է «Զվարթնոց» միջազգային օդանավակայանը։
Նախատեսվում է, որ թռիչքները կիրականացվեն շաբաթական երկու անգամ՝ յուրաքանչյուր հինգշաբթի և կիրակի։ Տոմսերի վաճառքն արդեն մեկնարկել է և հասանելի է ավիաընկերության պաշտոնական կայքում։
Ավելի վաղ ավիափոխադրողը հայտնել էր ցանցի ընդլայնման այլ ուղղությունների մասին։ Մասնավորապես, հոկտեմբերի 28-ից մեկնարկել են Երևան–Կրասնոդար–Երևան կանոնավոր չվերթերը։ Բացի այդ, 2026 թվականի գարնանը նախատեսվում է գործարկել ևս երկու ուղղություն․ ապրիլի 3-ից՝ Երևան–Վիեննա–Երևան, իսկ մայիսի 25-ից՝ Երևան–Բաթումի–Երևան երթուղիները։
Կարդացեք նաև՝
