Modex-ի հաղորդմամբ՝ 2025 թ. հունվար–սեպտեմբեր ամսներին ՏՏ ոլորտը շարունակում է պահպանել իր առանցքային դերը պետական եկամուտների համալրման մեջ։ Այդ ժամանակահատվածում 1000 խոշոր հարկատուների թվում ներառվել է 73 ՏՏ ընկերություն, որոնք պետական բյուջե են վճարել շուրջ 78 մլրդ դրամ՝ ապահովելով ՊԵԿ վերահսկող եկամուտների 4 տոկոսը։
ՏՏ ընկերությունների հարկային բեռը շարունակում է մնալ սահմանափակ թվով խաղացողների վրա․ միայն շահութահարկով այս 73 ընկերությունները վճարել են 11 մլրդ դրամ, որի 50 տոկոսից ավելին՝ 5.58 մլրդ դրամ, բաժին է ընկել Digitain-ին։
Տնտեսական ակտիվության ընդհանուր աճի հետ մեկտեղ ոլորտում արձանագրվել են նաև բառացիորեն հակադիր միտումներ։ Թոփ-20 ՏՏ հարկատուներից 9-ը նվազեցրել են իրենց եկամտային հարկի վճարումները։ Ամենախոշոր անկումները գրանցել են KEH Armenia-ն և BostonGene-ն։ Nexters Studio Armenia-ն, Align Technology-ն, Picsart-ը, DataArt-ը և Energize Global Services-ը նվազեցրել են իրենց ընդհանուր հարկային վճարումները՝ 200–450 մլն դրամ սահմաններում։
Նախորդ եռամսյակում 1000 խոշոր հարկատուների ցանկում ՏՏ ընկերությունների թիվը 76 էր։
