ԱԺ-ն արտահերթ նիստի ընթացքում երկրորդ ընթերցմամբ ընդունեց օրենսդրական փոփոխությունները, որոնք թույլ կտան ՀՀ քաղաքացիներին ունենալ վարորդական իրավունքի թվային վկայական՝ ֆիզիկական պլաստիկ քարտի հետ միասին:
Նոր օրենսդրությամբ սահմանվում է, որ վարորդները չեն տուգանվի այն դեպքում, եթե իրենց մոտ պլաստիկ քարտ չկա:
Թվայնացման նախագիծը նախատեսում է ստեղծել վարորդական էլեկտրոնային վկայական, որը ՀՀ տարածքում օրինական ուժ կունենա: Այս համակարգը հնարավորություն կտա ոստիկանությանը անձի դեմքի ճանաչման տեխնոլոգիայի միջոցով թվային պլատֆորմում՝ պլանշետներում տեսնել վարորդի կենսագրությունը:
Նաև նախատեսում են լրացուցիչ արտոնություններ վարորդական իրավունքի թվային տարբերակներ օգտագործող քաղաքացիների համար՝ տարբեր ծառայություններից օգտվելիս:
Օրենսդրական փոփոխություններն ուժի մեջ կմտնեն 2025 թվականի սեպտեմբերի 1-ից:
