OpenAI-ն թողարկել է GPT-4.5-ը՝ իր ամենազարգացած և ամենամեծ AI մեծ լեզվական մոդելը (LLM), որը հայտնի է Orion ծածկանունով։: Մշակողը այս թողարկումն անվանում է իր «առայժմ ամենագիտակ մոդելը», սակայն զգուշացնում է, որ GPT-4.5-ը բեկումնային մոդել չէ և կարող է չաշխատել այնքան լավ, որքան o1 կամ o3-mini, որոնք ունեն տրամաբանելու հնարավորություններ:
«Մենք ադապտացրել ենք GPT-4.5-ը՝ ավելի լավ համագործակցելու համար՝ դարձնելով զրույցները ավելի ջերմ, ինտուիտիվ և ավելի էմոցիոնալ առումով», — նշել է OpenAI-ի հետազոտող Ռաֆայել Գոնտիխո Լոպեսը: «Սա գնահատելու համար մենք փորձարկողներին խնդրեցինք համեմատել այն [նոր մոդելը] GPT-4o-ի հետ, և GPT-4.5-ն առաջ է անցել գրեթե բոլոր կատեգորիաներում»:
GPT-4.5-ը բարելավել է գրելու հնարավորությունները և աշխարհի մասին գիտելիքները, և մոդելի հետ փոխգործակցությունն ավելի «բնական» կլինի, գրում է The Verge-ը՝ հղում անելով OpenAI-ին: Մոդելը ավելի լավ է օրինաչափությունները ճանաչելու և կապեր գտնելու հարցում՝ այն դարձնելով «իդեալական գրելու, ծրագրավորման և իրական աշխարհի խնդիրների լուծման համար»:
Այն հասանելի է «հետազոտության նախադիտման» ռեժիմում ChatGPT Pro-ի բաժանորդներին և մշակողներին՝ API-ի միջոցով: GPT‑4.5-ը դեռ չի աջակցում ChatGPT-ում ձայնի, տեսանյութի և էկրանի համօգտագործում:
Ընկերությունը նշել է, որ GPT‑4.5-ը «շատ մեծ և ռեսուրսներ պահանջող մոդել է», ինչը այն ավելի թանկ է դարձնում, քան GPT‑4o-ն: GPT-4.5-ն արժե 75 դոլար 1 միլիոն մուտքային տոկենի համար և 150 դոլար 1 միլիոն ելքային տոկենի համար: Համեմատության համար նշենք, որ GPT-4o-ի գինը 2,5 դոլար է 1 միլիոն մուտքային տոկենի և 10 դոլար՝ 1 միլիոն ելքային տոկենի դիմաց:
Ի տարբերություն o-շարքի տրամաբանող մոդելների, ինչպիսիք են o1-ը, GPT-4.5-ը չի «մտածում» նախքան պատասխանելը: Ընկերությունը կարծում է, որ ապագայում այս երկու մոտեցումները՝ նախապես պատրաստված մոդելները և հիմնավորման մոդելները, կլրացնեն միմյանց։
2025 թվականի մարտի 3-ից OpenAI-ը նախատեսում է GPT-4.5-ը հասանելի դարձնել Plus և Team-ի օգտատերերին, որին հետո՝ Enterprise-ի և Edu-ի օգտատերերին։
Կարդացե՛ք նաև.
