ՀՀ ֆինանսների նախարարի տեղակալ Էդուարդ Հակոբյանը կնշանակվի պետական եկամուտների կոմիտեի (ՊԵԿ) նախագահ:Այս մասին տեղեկանում ենք վարչապետ Նիկոլ Փաշինյանի ֆեյսբուքյան էջում կատարած գրառումից։
«Սիրելի հայրենակիցներ, Էդուարդ Հակոբյանը, ով ներկայումս Ֆինանսների նախարարի տեղակալն է, կնշանակվի Պետական եկամուտների կոմիտեի նախագահ»,-գրել է վարչապետը։
Էդուարդ Հակոբյանը ՀՀ ֆինանսների փոխնախարար է նշանակվել 2022 թվականի դեկտեմբերին։
Օրեր առաջ՝ նոյեմբերի 18-ի կառավարության նիստում Նիկոլ Փաշինյանը հայտնել էր, որ մի խումբ բարձրաստիճան պաշտոնյաների խնդրել է թողնել իրենց պաշտոնները և հենց նույն օրը ՊԵԿ նախագահի պաշտոնից ազատման դիմում էր ներկայացրել Ռուստամ Բադասյանը:
