YouTube-ը հայտարարել է ծնողական վերահսկողության գործառույթների ընդլայնման մասին՝ ավելացնելով ծնողի հաշիվը դեռահասի հաշվին միացնելու հնարավորությունը: Սա թույլ կտա պատկերացում կազմել երեխաների գործունեության մասին հարթակում՝ առանց բուն բովանդակությունը դիտելու:
«Հաշիվների կապակցումը ծնողներին թույլ կտա ծանուցումներ ստանալ դեռահասի կողմից կատարված ներբեռնումների, բաժանորդագրությունների և մեկնաբանությունների քանակի մասին», – հայտնում է ընկերությունն իր բլոգում: Ծնողները նաև էլեկտրոնային փոստով ծանուցումներ կստանան կարևոր իրադարձությունների մասին, ինչպիսիք են նոր տեսանյութի վերբեռնումը՝ ինչպես YouTube-ում, այնպես էլ YouTube Shorts-ում, կամ ուղիղ հեռարձակման մեկնարկը: Նրանք նաև կկարողանան տեսնել տեսանյութի գաղտնիության կարգավորումներում կատարված ցանկացած փոփոխություն:
Նշվում է, որ նոր գործառույթը չի ազդի YouTube-ի ալգորիթմի վրա: «Հաշիվները կապակցելու փաստը չի ազդի այն առաջարկությունների վրա, որոնք տեսնում է դեռահասը», – նշում են YouTube-ի ներկայացուցիչները: Կարևոր է նշել, որ հաշիվները կապակցելիս ծնողները չեն կարողանա փոխել դեռահասի տարիքը, որը նշվել է գրանցման ժամանակ: Հարթակըը կհիմնվի այն տեղեկատվության վրա, որը դեռահասը մուտքագրել է իր պրոֆիլը ստեղծելիս:
Ծնողական վերահսկողության գործիքների մշակումը կապված է համացանցում երեխաների անվտանգության նկատմամբ աճող ուշադրության և այս ոլորտում օրենսդրության խստացման հետ: ԱՄՆ որոշ նահանգներում արդեն ընդունվել են օրենքներ, որոնք սահմանափակում են 18 տարեկանից ցածր երեխաների մուտքը սոցիալական ցանցեր՝ առանց ծնողների համաձայնության: Այլ սոցիալական հարթակներ, ինչպիսիք են TikTok-ը, Snapchat-ը, Instagram-ը և Facebook-ը, նույնպես ներդրել են ծնողական վերահսկողության նմանատիպ գործառույթներ:
Կարդացեք նաև՝
- Apple-ը նախատեսում է վաճառքից հանել iPhone 15 Pro-ն
- Instagram-ում այժմ կարող եք լուսանկարներին տեքստ և ֆոտոսթիքերներ ավելացնել
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
