Հեղինակավոր ճամփորդական լուսանկարիչ, բլոգեր և կինոռեժիսոր Ռիկ Գազարյանը և Ստեֆան Կրասովսկին հայտարարում են 2022 թվականին միջազգային ճանապարհորդական փառատոնի՝ Extraordinary Travel Festival-ի մեկնարկի մասին։ Այն կոչված է ոգեշնչելու և աջակցելու աշխարհի ամենահաջողակ և մոլի արկածային ճանապարհորդներին:
Առաջին փառատոնը տեղի կունենա Երևանում 2022 թվականի հոկտեմբերի 14-16-ը և կմիավորի աշխարհի ավելի քան 300 ամենահամարձակ և հավակնոտ ճանապարհորդներին մի շարք սեմինարների և զրույցների շուրջ, որոնք կօգնեն խթանել և ավելի խորացնել նոր կապերը:
«Պատկերացրեք 300-ից ավել «Մարկո Պոլո» տեսակներ, որոնք բոլորը հավաքվում են մեկ վայրում», – ասում է համահիմնադիր Գազարյանը, որի բլոգը և GlobalGaz կայքը ներկայացնում են պատմություններ և պատկերներ աշխարհի 145 երկրներ կատարած իր գունագեղ ճանապարհորդություններից: «Գաղափարն է կիսել գիտելիքները, կապել կատարողներին երազողների հետ և օգնել այս արտասովոր ճանապարհորդներին հետազոտել և պլանավորել իրենց հաջորդ ակնթարթային արկածը»:
Extraordinary Travel Festival-ը կհյուրընկալի ճանապարհորդներին, ովքեր երազում են պլանավորել իրենց հաջորդ ուղևորությունը դեպի այն ուղղությունները, որոնք դժվար է այցելել, ինչպիսիք են Լիբիան, Մադագասկարը կամ Իրաքը: Այն նաև կհյուրընկալի հետախույզներին, ովքեր ոգևորված են ճամփորդել հեռավոր, անաղարտ և ծայրահեղ ուղղություններով, ինչպիսիք են Անտարկտիդան, Սոկոտրան կամ Փիթքերն կղզին:
Եռօրյա փառատոնի ընթացքում ավելի քան 40 բանախոսներ աշխարհի բոլոր ծայրերից՝ Ռուսաստանից, Պանամայից, Քուվեյթից և Հարավային Աֆրիկայից բեմ կբարձրանան կամ կվարեն սեմինարներ ավելի խորը, սովորականից դուրս ճանապարհորդական փորձառությունների մասին:
Բանախոսները ներկաներին կոգեշնչեն մոտիվացիոն զրույցներով, թե ինչպես են նրանք իրականացրել անհնարինը, օրինակ՝ քայլելով Լոնդոնից Քեյփթաուն կամ ապրել Միկրոնեզիայի հեռավոր կղզում: Այլ բանախոսներ կտրամադրեն գործնական տեղեկատվություն այն մասին, թե ինչպես ստանալ դժվար վիզաներ կամ ինքուրույն ապահովել անվտանգությունը, երբ ճանապարհորդում եք կոնֆլիկտային վայրերում:
Փառատոնը կկազմակերպի նաև ճամփորդություններ, ընթրիքներ և այլ միջոցառումներ Հայաստանի մայրաքաղաք Երևանում:
