Գեներատիվ նեյրոնային ցանցերի պոպուլյարության հետ մեկտեղ արդեն հասանելի են բազմաթիվ AI ալգորիթմներ տեսանյութերի ստեղծման համար, ինչպիսիք են Sora-ն, Haiper-ը և Luma AI-ը: Stability AI-ի մշակողները բոլորովին նոր բան են ներկայացրել։ Խոսքը Stable Video 4D նեյրոնային ցանցի մասին է, որը հիմնված է գոյություն ունեցող Stable Video Diffusion մոդելի վրա, որը թույլ է տալիս պատկերները վերածել տեսանյութի։ Նոր գործիքն ավելի է զարգացնում գոյություն ունեցող մոդելները՝ նույն տվյալներից ստեղծելով մի քանի տեսանյութեր 8 տարբեր տեսանկյուններից:
«Մենք հավատում ենք, որ Stable Video 4D-ն կօգտագործվի ֆիլմերի ստեղծման, խաղերի, AR/VR-ի և այլ ոլորտներում, որտեղ անհրաժեշտություն կա դիտելու դինամիկ շարժվող 3D օբյեկտները տարբեր տեսանկյուններից», — ասում է Stability AI-ի 3D հետազոտության ղեկավար Վարուն Ջամպանին։
Սա առաջին դեպքը չէ, երբ Stability AI-ը դուրս է գալիս երկչափ վիդեոյի սահմաններից: Մարտին ընկերությունը հայտարարեց Stable Video 3D ալգորիթմի մասին, որը թույլ է տալիս օգտվողներին ստեղծել կարճ 3D տեսանյութեր՝ հիմնվելով պատկերի կամ տեքստի նկարագրության վրա: Stable Video 4D-ի գործարկումով ընկերությունը զգալի քայլ առաջ է կատարում: 3D կամ եռաչափ հասկացությունը սովորաբար ընկալվում է որպես խորությամբ պատկերի կամ տեսանյութի տեսակ, սակայն 4D-ն այլ հարթություն չի ավելացնում: Իրականում 4D-ն ներառում է լայնությունը (x), բարձրությունը (y), խորությունը (z) և ժամանակը (t): Սա նշանակում է, որ Stable Video 4D-ն թույլ է տալիս դիտել շարժվող 3D օբյեկտները տարբեր տեսանկյուններից և ժամանակի տարբեր կետերում:
Stable Video 4D-ն իր տեսակի մեջ առաջին ալգորիթմն է, որում մեկ նեյրոնային ցանցը կատարում է պատկերների սինթեզ և տեսանյութերի ստեղծում: Արդեն գոյություն ունեցող անալոգները այս խնդիրները լուծելու համար օգտագործում են առանձին նեյրոնային ցանցեր:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
