Նուբար Աֆեյանի Flagship Pioneering ընկերությունը ընդլայնել է իր կապիտալի բազան 3,6 մլրդ դոլարով, հայտնում է Marketscreener.com-ը: Այն աջակցում է մարդկանց առողջության, կայունության եւ արհեստական բանականության ոլորտում 25 ընկերությունների զարգացմանը:
Այս ներդրումը 2021 թվականից ի վեր ներգրավված ընդհանուր կապիտալը հասցնում է 6,4 միլիարդ դոլարի:
«Բեկումնային գիտական հայտնագործություններ անելու մեր եզակի մոտեցումը, որը զուգորդվում է ընկերությունների հիմնադրման, կառուցման և մասշտաբային գործունեության հետ, հանգեցրել է ավելի քան 100 կենսատեխնոլոգիական ընկերությունների ստեղծմանը և աճին ընդամենը երկու տասնամյակի ընթացքում: Եվ ես հավատում եմ, որ Flagship-ի ամենաարդյունավետ, ազդեցիկ օրերը դեռ առջևում են», – ասել է Flagship Pioneering-ի հիմնադիր եւ գործադիր տնօրեն Նուբար Աֆեյանը:
Օգտագործելով գեներատիվ AI-ի ուժն ու ներուժը՝ Flagship-ն ընդունում է մի ապագա, որտեղ ընկերությունները ստեղծվում և ընդլայնվում են այնպեսաննախադեպ ազդեցության հեռանկարով:
«Վերջին վեց տարիների ընթացքում Flagship-ը նաև ստեղծել է արհեստական բանականությամբ աշխատող հարթակներ, որոնք արագացնում են դեղերի հայտնաբերման, մշակման գործընթացը և նոր պատկերացումներ տալիս մարդու առողջության և կայունության վերաբերյալ», – ավելացրել է Աֆեյանը:
Flagship-ը սերտ համագործակցություններ է գրանցել Pfizer-ի եւ Samsung-ի նման արդյունաբերական հսկաների հետ: Ընկերության պորտֆոլիոն ներառում է այնպիսի նորարարական ընկերությունների, ինչպիսիք են Moderna-ն, Generate Biomedicines-ը, Indigo Agriculture-ը, Foghorn Therapeutics-ը եւ Tessera Therapeutics-ը:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
